929 BBQ

昨天約了BELLBELL及ANDY連同兩隻愛犬到大浪灣BBQ

大概4:30,CALL了一架VAN仔,帶同CUCKOO & BAILEY一起上車,好在我醒,知道牠們十分興奮,擾攘了15分鐘多,所以我亦提早15分鐘出門口,一出大閘已經疴4篤小尿加一篤屎我嘆,好似做阿四咁,這頭執執執果頭又要大聲喝止BAILEY,再用我僅有的力氣抬他們上車,O...............

這餐BBQ的食物實在豐富得很,有蒜容雞中翼..义燒..腸...牛扒..肉眼扒..墨丸..麵包,多春魚,蝦,秀珍姑...粟米...尤魚,鴨腎,只欠缺棉化糖。

到達大浪灣諗住租爐,但負責人卻要求綁住D 99, CUCKOO卻出儘九牛二虎之勁力NUT開條頸帶,無法子,決定上山自己透爐燒,上山前有個大陸佬揸車撞到CUCKOO 個PATPAT仲要唔停車,臨場反應當然怒不可擋,還講了幾句唔想出自我口嘅粗ロtxyz,我確是想追住佢..拍佢車..再叫佢落車架, 身邊那個又無用只會說算算算,除了說算外..乜都不曉,但我的怒火已燒上眼眉。(女孩子總希望另一半可給予被保護嘅感覺,出聲鬧人已經唔係咁好總要出自女仔嘅ロ,個男人在你身邊有等於無,廢到唔廢..應出聲時又唔出聲,人地唔想聽時又要講, 牠們是我的仔仔,我總要保護牠們,若這根桿不擔在自己身上,誰會??)

幸好在山上,剛好有人離開,變了唔使等位,但另一邊廂卻遇想一些不可理喻之人仕,除了大叫外,視線一直怒啤住我兩隻99,我都好明白怕狗既人既感受,可是她們的反應可不用太誇張吧, 說十句ハ句也嫌未夠,說足5個字都仲要講,都唔知咩人,唔該自量下..咁既貨色,人都唔HOU更何况係隻狗。

好囉好囉佢地班人終於走左咯,轉頭來了另一班以ONE TWO GI GI JAR BOOM BOOM 把為樂,粗ロ為生嘅年青人,看見BAILEY就當左係拉布拉多(咪見短毛就以為係拉記至得架,睇左毛毛咋) Bailey & cuckoo又無抗拒喎

終於可以坐定定BBQ了,給CUCKOO & BAILEY放了頸帶,要奔的奔,周圍探索,極之好奇(甚少出外見下世面,算係咁..)

不過確要跟BELL BELL & ANDY 說聲唔好意思,帶左2隻99出來仲麻煩過帶人

接近尾聲,車了BELLBELL & ANDY 回家,體驗了1/4嘅多轉角飄移,落車後嘔到七彩(下次必定帶備梅糖)


後話: 真係估cuckoo唔到,大細膽了, bailey呢由出門ロ到大浪灣到回家不停唧唧叫